एकदाच रक्कम गुंतवून दर महा पैसे काढणे

एकदाच एकरकमी गुंतवणू करुन नियमीत दर महा पैसे काढण्याचे उदाहरण:

म्युच्युअल फंडात एकरकमी रक्कम ठेऊन दरमहा ठरावीक रक्कम काढण्याची सुविधा आहे.

उदाहरण ज्यानी 1 जानेवारी 2003 रोजी रु.5 लाख एकदाच गुंतवून दर महा रु. 5000 काढले आहेत त्यांचे   १५ ऑगस्ट, २०१०   पर्यंत एकूण रु. ४,५०,०००/- काढून झाले व उर्वरीत गुंतवणूकीचे मुल्य १५ ऑगस्ट, २०१०  रोजी आहे रु.६२,१०,५३३/-.

उदाहरण 2) ज्यानी 1 जानेवारी 2008 रोजी रु.5 लाख एकदाच गुंतवून दर महा रु. 5000 काढले आहेत त्यांचे १५ ऑगस्ट, २०१० पर्यंत एकूण रु. १,५०,०००/- काढून झाले व उर्वरीत गुंतवणूकीचे मुल्य १५ ऑगस्ट, २०१० रोजी आहे रु.२,७५,३८४/-.

हा पर्याय ज्याना नियमीत दर महा उत्पन्न हवे आहे त्यांचेसाठी अतिशय चांगला आहे मात्र रक्कम गुंतवताना ती किमान 10 वर्षासाठी तरी गुंतवावी व सुरुवातीला दर महा 1% म्हणजेच वार्षीक 12% दराने पैसे काढण्यास सुरूवात करावी व प्रत्येक वर्षानंतर आपल्या गुंतवणूकीचे मुल्य तपासून यात आवश्यक तर बदल करावा याचा फायदा हा होतो कि दिर्घ मुदतीत मुदलात भरीव वाढ होते व जस जशी महागाई वाढत जाईल तस तशी आपल्या गरजेनुसार दर महा काढावयाचे रकमेत वाढ करता येऊ शकते जेणे करून महागाईशी सामना करणे सुलभ होईल.

मात्र निवृत्त व्यक्तीने आपली सर्वच पुंजी यात न गुंतवता साधारणपणे 40% रक्कमच  समभाग संबंधीत म्युचअल फंड योजनेत गुंतवावेत व उर्वरीत रक्कम बँक/पोस्ट  किंवा डेट फंडाच्या मासीक उत्पन्न योजना, यासारख्या सुरक्षीत ठिकाणी गुंतवावेत.