बँलन्सड् योजना

कमी जोखीमीच्या बँलन्सड् (समतोल) योजना:

नांवाप्रमाणेच अशा प्रकारच्या योजनेत ६०% ते ७५% गुंतवणूक शेअर बाजारात व उर्वरीत २५% ते ४०% गुंतवणूक कर्जरोख्यात करुन गुंतवणूकीचा समतोल सांभाळला जातो, त्यामुळे जोखीम कमी केली जाते. जेव्हा बाजारात तेजी असते त्यावेळी समभागातील गुंतवणूकीवर आकर्षक परतावा मिळतो व जेव्हा बाजारात मंदी असते तेव्हा कर्जरोख्यातील गुंतवणूकीतून व्याजाचे उत्पन्न मिळून नुकसान कमी होते. अशा योजनेत वार्षीक सरासरी १५% उत्पन्न मिळू शकते. मध्यम जोखीम व मध्यम परतावा असे योजनांचे स्वरुप असते. वय वर्ष ४५ च्या पुढील मध्यम वयाच्या व्यक्तीनी या योजनेत गुंतवणूक करावी. गुंतवणूकीचा कालावधी ५ वर्षापेक्षा जास्त असावा. शक्यतो नियमीत दरमहा गुंतवणूक करणे योग्य ठरेल. तसेच ज्या व्यक्ती प्रथमच म्युच्युअल फंडात गुंतवणूक करत असतात त्यानी अशा प्रकारच्या योजनेत सुरुवातीचे ६ महिने गुंतवणूक करुन बाजाराच्या जोखीमीचा अनुभव घ्यावा व नंतर जास्त जोखमीच्या योजनेत गुंतवणूक करावी.

हे पान 31 January 2012 अखेरची कामगीरी दाखविणारे असून दर महिना अखेर ह्या पानावरील माहिती बदलून देण्याचा आम्ही प्रयत्न करणार आहोत.

Balanced Funds – Performance since Launch

* या योजनांमध्ये वर्ष २००४-५ पर्यंत नियमीतपणे लाभांश दिला जात होता व त्याचा समावेश वरील परताव्यात केलेला नाही, अन्यथा हा परतावा बराच जास्त दिसला असता.

गुंतवणूक करण्यासाठी मार्गदर्शन:

म्युच्युअल फंडाच्या कोणत्याही योजनेत गुंतवणूक करण्यासाठी केवायसी (Know Your Customer) करणे बंधनकारक आहे जर आपण प्रथमच गुंतवणूक करणार असाल तर प्रथमत: केवायसी करण्यासाठी KYC Application for Individuals हा फॉर्म आपल्या संगणकावर डाऊनलोड करुन त्याची प्रिंट काढून घ्या.

केवायसीसाठी लागणारी कागदपत्रे:

१)        केवायसी फॉर्म (यावर प्रथमत: आपला फोटो चिकटवून, अर्धी सही बाहेर व अर्धी सही फोटोवर या प्रमाणे करा, दुसरी सही फॉर्मच्या खालच्या बाजूला सहीसाठी जागा आहे तेथे करावी).

२)        पँन कार्डची प्रत त्यावर तुमची स्वाक्षरी करुन जोडावी.

३)        रहाण्याच्या पत्त्याच्या पुराव्याची प्रत त्यावर तुमची स्वाक्षरी करुन जोडावी (रेशनकार्ड, वीज बील, टेलीफोन बील, आधार कार्ड, निवडणूक ओळखपत्र, ड्रायव्हींग लायसन्स, बँकेचे पासबुक – या पैकी कोणत्याही एकाची प्रत चालेल).

गुंतवणूकीसाठी लागणारी कागदपत्रे :

१)        तुम्हाला वरीलपैकी ज्या योजनेत गुंतवणूक करावयाची असेल त्या योजनेसमोरील फॉर्म डाऊनलोड करुन त्याची प्रिंट काढून घ्या. फॉर्ममधील माहिती भरा. दुस-या पानावर पहिल्या गुंतवणूकदाराच्या सहीसाठी जागा आहे तेथे तुमची सही करा. गुंतवणूक जास्तीत जास्त तिघांच्या नांवाने करता येते, दोन किंवा तिन नांवाने गुंतवणूक करणार असाल तर तशा सह्या करा, तसेच प्रत्येकाची केवायसी करणे आवश्यक असते हे लक्षात ठेवा.

२)        जर तुम्ही दरमहा नियमीत गुंतवणूक करणार असाल तर सोबतचा इसीएस / अँटो डेबीट फॉर्म भरा व त्यावर गुंतवणूकदारानी सह्या कराव्यात. बँकेत खाते ज्यांचे नांवाने असेल त्यानी बँक खात्याप्रमाणेच सही त्यासाठी असणा-या जागी करावी.

३)        केवायसी झाल्याचा पुरावा अथवा वरीलप्रमाणे केवायसी फॉर्म व त्यासोबत लागणारी कागदपत्रेही जोडावी.

४)        पँन कार्डची प्रत त्यावर तुमची (गुंतवणूकदाराची) सही करुन जोडावी.

५)        ज्या रकमेची गुंतवणूक करावयाची असेल त्या रकमेचा चेक, ज्या योजनेत गुंतवणूक करावयाची असेल त्या योजनेच्या नांवाचा लिहून जोडावा.

६)        नियमीत गुंतवणूकीसाठी (एसआयपी) दरमहा जेवढी गुंतवणूक करावयाची असेल तेवढ्या रकमेचा चेक ज्या योजनेत गुंतवणूक करावयाची असेल त्या योजनेच्या नांवाचा लिहून जोडावा.

वरीलप्रमाणे सर्व कागदपत्रे व फॉर्मस् आमचेकडे खालील पत्त्यावर पोष्टाने अथवा कुरीअरने रवाना करा, त्यापुढील सर्व कार्यवाही आम्ही करु.

ठाकूर फायनान्शिअल सर्व्हिसेस्

श्रीदत्त कृपा, बँक ऑफ इंडियासमोर, काविळतळी, चिपळूण-४१५६०५, जिल्हा: रत्नागिरी.

तुम्हाला आमच्याकडून कोणतीही मदत हवी असल्यास मला संपर्क करा मोबाईल क्र. 9422430302 किंवा इमेल करा sadanand.thakur@gmail.com